Cineálacha Tástálacha agus Deimhniúcháin

Tá próiseas curtha i bhfeidhm ag an RSA do dhuine ar bith ar mian leis nó léi a bheith ina t(h)eagascóir tiomána. Tá trí chéim sa phróiseas. Tástail teoirice atá i gcéim a haon, tástáil tiomána atá i gcéim a dó agus is é atá sa chéim dheireanach ná tástáil ar chumas an duine teagasc a thabhairt. Ní mór pas a fháil sna céimeanna seo san ord seo, agus nuair a bheidh pas faighte agat, beidh cead agat d’ainm a bheith liostáilte ar chlár an ADI.

Taispeánann an méid seo a leanas an chaoi a mbaineann na catagóirí cáilíochtaí ADI leis na réimsí ceadúnais inar féidir leat foghlaimeoirí a theagasc:-

Catagóirí ina bhfuil Teidlíocht Teagaisc
Ballraíocht	M	A1	A	B	EB	C1	C	EC1	EC	D1	D	ED1	ED	W
A	Y	Y	Y
B				Y	Y									Y
C				Y	Y	Y	Y	Y						Y
D				Y	Y					Y	Y	Y	Y	Y
EC				Y	Y	Y	Y	Y	Y					Y

Sula ndéanfaidh tú coinne don tástáil teoirice, ní mór duit iarratas a dhéanamh chun clárú le hAonad ADI an RSA. Éileofar ort táille a íoc ag an am seo. Nuair a bheidh d’iarratas próiseáilte agus faofa, tabharfaidh Aonad ADI an RSA uimhir teidlíochta duit a n-úsáidfear chun do thástáil a chur in áirithe. Ní mór duit insint don RSA i rith an phróisis iarratais cé acu de na catagóirí thuasluaite ina mbeidh tú ag iarraidh a bheith ag teagasc agus cinnteoidh siad go ndéanfar tástáil ort sna réimsí sin.