Learner driver passes test

Riachtanais maidir le Cruthúnas Céannachta

Le héifeacht ón 1 Deireadh Fómhair 2010, ní mór duit cineál AMHÁIN cruthúnais céannachta inghlactha ón liosta thíos a thabhairt leat, CHOMH MAITH LE Dhá Ghrianghraf den chineál Pas a fhreagraíonn do na caighdeáin atá sonraithe thíos.

Doiciméid Chéannachta:

Ón lá inniu go dtí 30 Meán Fómhair 2010, ní éileofar ort ach doiciméad bailí agus bunaidh amháin ón liosta thíos a thabhairt leat, i.e. ní bheidh grianghraif ag teastáil go dtí 1 Deireadh Fómhair 2010.

Tá siad seo a leanas inghlactha:

pas
Cárta Aitheantais Náisiúnta arna eisiúint ag : Austria, Belgium, Bulgaria, Estonia, Finland, France, Germany, Greece, Hungary, Italy, Lithuania, Luxembourg, Malta, Netherlands, Poland, Portugal, Romania, Slovakia, Slovenia, Spain, Sweden, Switzerland.
cárta fostaithe nó cárta aitheantais mhic léinn
Aoischárta Náisiúnta an Gharda Síochána
leabhar a eisíodh sa Stát d’fhonn íocaíochtaí liúntais leasa shóisialaigh nó sochair nó pinsin a dhéanamh; cárta leighis atá eisithe ag an Stát
cárta saorthaistil atá eisithe sa Stát ag an Roinn Gnóthaí Sóisialacha agus Teaghlaigh
cáipéis taistil a bhfuil ainm agus grianghraif an tsealbhóra air
cárta sínithe eisithe sa Stát ag an Roinn Gnóthaí Sóisialacha agus Teaghlaigh
leabhar bainc nó Bainc Choigiltis
leabhar seic
cárta seic
cárta creidmheasa
cárta ballraíochta comharchumainn
teastas breithe
teastas pósta
teastas clárúcháin

Grianghraif den chineál Pas (ag teastáil ón 1 Deireadh Fómhair 2010):

Ní mór duit DHÁ ghrianghraf chomhionanna daite ar mhéid pas a thabhairt leat,

Is iad seo a leanas na caighdeáin do ghrianghraif inghlactha:

• Ní mór don ghrianghraf a bheith glactha níos lú ná 6 mhí ó shin.
• Ba chóir dath a bheith orthu.
• Íosmhéid na ngrianghraf 35mm x 45mm, uasmhéid na ngrianghraf 38mm x 50mm.
• Sa ghrianghraf, ba chóir go dtaispeántar aghaidh iomlán chloigeann an duine, mar a bheadh sé nó sí de ghnáth.
• Ní mór don íomhá a bheith géar agus soiléir agus le cúlra bán nó liath geal taobh thiar di nó dó.
• Ní ghlacfar le spéaclaí gréine. Féadtar spéaclaí imire a chaitheamh ach ba chóir go mbíonn súile an duine fós soiléir.
• Ní ghlacfar le clúdaigh cloigne ach amháin le haghaidh le haghaidh cúiseanna reiligiúnacha. Ní cheadaítear le bandaí gruaige.

Ba chóir go mbeadh an cloigeann i lár na híomhá. Caithfear staidiúir thosaigh a úsáid, ag breathnú díreach ar an gceamara, agus caithfear é a ghlacadh le cúlra bán, liath geal nó bánbhuí. Ba chóir go bhfuil fíorchodarsnacht idir do ghnéithe aghaidhe agus cúlra na ngrianghraf. Ba chóir rothlú nó claonadh cloiginn i dtreo clé/deis nó suas/síos a sheachaint.

Ní mór do na grianghraif, a chuirfear faoi bhráid, na treoirlínte grianghraif a chomhlíonadh. Tá na treoirlínte seo bunaithe ar chaighdeáin inghlactha idirnáisiúnta.

Ní ghlacfar le grianghraif nuair nach bhfuil an aghaidh shoiléir, nuair nach dtaispeántar barr an chloiginn, nuair a bhíonn spéaclaí dorcha á gcaitheamh ag duine, grianghraif a dhéantar sa bhaile nach bhfuil mar i gcéanna, nó nuair a bhíonn cúlra dorcha ann.

Más do chatagóir C (leoraí) nó catagóir D (bus) an tástáil, ní mór duit do cheadúnas tiomána reatha do chatagóir B a thabhairt leat. Ní mór ceadúnas tiomána na hÉireann bailí a bheith ann nó ceann atá eisithe ag ballstát eile den AE, nó ón Íoslainn, Lichtinstéin, nó ón Iorua.

Más rud é nach dtugann tú leat na míreanna atá ag teastáil nó go mbíonn tú déanach le haghaidh do choinne, ní cheadófar duit do thástáil a dhéanamh agus caillfidh tú do tháille.